नदी आणि कवी
असो कवीचे कुल अप्रसिद्ध |
होई कवीच्या कवणे प्रसिद्ध|
तसा नदीच्या उगमस्थलाला|
नदीमुळे गौरव लाभ जाहला||१||
                  काव्ये कवीची जगतात गावी|
                  त्यांचे न त्यांना परीचोज नाही|
                   नदी सुदुरुस्थ जना पवित्र|
                   विटाळती तीर्थ तिचेच पुत्र||२||
बाल्यात उच्छॄंखल वृत्ती दोन्ही|
ठाव नसे आडथळा म्हणोनी|
लागो दरी खोल उभा पहाड|
जातात ती धावत धाडधाड||३||
                   जाई जसे अंतर होत खोल|
                   गांभीर्य ये वृत्ती निवे विलोल|
                   रेखुनी मार्ग क्रमीताती संथ|
                   करी कल्याण जगी अनंत||४||
स्वजीवनाने उगावूनी दाणे|
नदी जीवा दे चिरजीव दाने|
तैसे कवीच्या कवीता प्रवाहे|
जीवात संजीवन दिव्य लाहे||५||
                    राष्ट्रे बुडाली नृप थोर गेले|
                    नदी कवी मात्र अनंत ठेले|
                    भागीरथीला खळलेश नाही|
                    अखंड रामायण लोक गाई||६||