दिपवाळी

आली दिपवाळी गड्यांनो आली दिपवाळी||धृ||

रोज रोज शाळा पुरे तो आला कंटाळा|
चार दिवस आता मनाला कसली ना चिंता|
उडू बागडू जशी पाखरे स्वैर अंतराळी||१||

मौजेने न्हाऊ कपाळी लाल गंध लाऊ|
अलंकार लेऊ करुनी थाट माट जेऊ|
लाडू, करंज्या, शंकरपाळी खाऊ कडबोळी||२|

नळे, चंद्रज्योती, फटाके, फुलबाज्या, वाती|
दारूकाम सोडू धडाधड बार नवे काढू|
उडवू बंदूक लुटीपुटीची घालूनिया गोळी||३||

  खेळगडी ना ना जमवुनी खेळू खेळांना|
बांधुनिया किल्ले करू या तयावरी हल्ले|
भावी पुरुषार्थाचे कित्ते गिरवू या काळी||४||

खेळाचा धंदा येतसे भरती आनंदा|
फारच गमतीचे खरोखर दिवस दिवाळीचे|
तुच्छ कडी, अंगठ्या, कंठी, भिकबाळी||५||